Jackie Kruger

GEORGE. – ’n Pensioentrekker van Sedgefield kon Saterdag kwalik sy oë glo toe hy ’n splinternuwe motor in Die Burger Sas­ko-kompetisie gewen het.

“Ek het nog nooit iets gewen nie,” het Eben Taljaard (73) aan Die Burger gesê nadat hy in ’n trekking die vierde en laaste wenner van ’n wit Chev Spark geword het.

Om te kwalifiseer moes lesers ’n Sas­ko-brood en ’n uitgawe van Die Burger koop en die betaalstrokie met hul besonderhede in ’n houer by deelnemende winkels gooi.